Hatua ya Putin kuhudhuria harusi ya waziri nchini Austria yazua malalamiko

Haki miliki ya pichaAFP

Image captionPutin alimpa mauaa na kecheza densi naye kwenye shetrehe hiyo iliyoandaliwa kwenye mkoa wa Kusini mwa Austria wa Styria.

Rais wa Urusi Vladimir amehudhuria sherehe ya harusi ya waziri wa mashauriya nchi za kigeni wa Austria Karin Kneissl ambaye amekosolewa kwa kumualika.

Putin alimpa mauaa na kecheza densi naye kwenye shetrehe hiyo iliyoandaliwa kwenye mkoa wa Kusini mwa Austria wa Styria.

Wanasiasa wa upinzani wamemlaumu Bi Kneissl kwa kuhujumu sera za kigeni za Ulaya kwa kumualika mgeni wake huyo.

• Siku ambayo Vladimir Putin alitokwa na machozi
• Rais Trump amualika Putin Washington

Putin alisimama Austria akiwa njiani kwenda Ujerumani ambapo atafanya mazungumzo na Chansela wa Ujerumani Angela Merkel.

Bi Kneissl anafunga ndoa na mfanyabiashara Wolfgang Meilinger kwenye sherehe katika mji mdogo wa Gamlitz karibu na mpaka na slovenia.

Haki miliki ya pichaGETTY IMAGES

Image captionBw Putin alialikwa wakati alifanya ziara nchini Austria mapema mwaka huu.

Bi Kneissl msomi asiye na chama, aliteuliwa kuwa waziri wa mashauri ya nchi za kigeni na chama cha mrengo wa kulia kilicho mshirika kwenye serikali ya sasa.

Bw Putin alialikwa wakati alifanya ziara nchini Austria mapema mwaka huu.

Kumekuwa na mjadala kwenye vyombo vya habari nchini Austria kuhusu kuwepo kwa rais Putin tangu itangazwe wiki iliyopita.

• Putin asema Urusi ina kombora lisiloweza kuzuiwa

Baadhi ya wanasiasa wamelalamika kuhusu matumizi ya pesa za walipa kodi kuweka ulinzi eneo hilo.

Putin anatarajiwa kufanya mazungumnzo na chansela Merkel kuhusu masuala kadhaa.